AIPIren Informazioaren Barne Sistemaren printzipioek informatzaile izan daitezkeen pertsonen konfiantza sendotzen lagundu nahi dute, berme errealak eta egiaztagarriak baitira.
AIPIren Informazioaren Barne Sistemaren printzipioak
Informazioa ematen duten pertsona guztiei arau-hausteei buruzko informazioa modu seguruan eta informatzailearen identitatearen konfidentzialtasunaren bermearekin komunikatzeko aukera ematen die, baita aipatutako edozein hirugarrenena ere, komunikazioan zein ondorengo jardunetan. Anonimotasuna ere bermatzen da, hautatuz gero.
Era berean, datu pertsonalen babesa bermatzen da, baimenik ez duten langileei sarbidea eragotziz.
Aukera ematen du informazioa idatziz aurkezteko, edo ahoz (kasu honetan, web-formularioaren beraren bidez), edo bi moduetan (kanal-orotasuna), eta sarbide mugatua duen aplikazio seguru baten bidez. Aplikazio horrek aukera ematen du komunikazioak erraz aurkezteko, eta komunikazio anonimoa igortzeko aukera bermatzen du. Informazioa modu argi eta ulergarrian eskainiko da.
Gainera, barne-kanala AIPIren kanpo-kanaletik eta beste erakunde eta organismo batzuen informazio-kanaletatik bereizita aurkezten da, bai kudeaketa-prozeduren garapen-dokumentuetan, bai Agintaritzaren webgunean.
Informazioko Barne Sistema kudeatzeko eta haren jarraipena egiteko eginkizunak independentzia funtzional osoz beteko dira, kasu zehatzei buruzko jarraibideak bete gabe eta interes-gatazkako edozein egoera saihestuta. Independentzia hori funtsezkoa da Sistemaren sinesgarritasuna babesteko eta hartutako erabakiak irizpide objektiboetan eta egiaztatutako egitateetan soilik oinarritzen direla ziurtatzeko.
Informazioko Barne Sistemak izendatutako arduradun bat izan behar du. Bere eginkizunak modu independente eta autonomoan garatzeko aukera izan behar du, eta ezingo du inolako jarraibiderik jaso.
Sistemak informazioa kudeatzeko prozedura bat izango du, prestasun- eta azkartasun-printzipioen eta trazabilitate-printzipioen araberakoa, eta jarraipena egiteko, ebaluatzeko eta kontuak emateko konpromisoa izango du.
Printzipio horien bidez bermatzen da informatzaileen babesa, baldin eta fede onez eta arrazoizko oinarriarekin jardun badute. Era anonimoan jakinarazi baina ondoren identifikatuak izan diren pesronak ere sartzen dira.
Era berean, eragindako pertsonen eskubideak errespetatuko direla bermatzen da.
Printzipio horrek arreta berezia jartzera behartzen du AIPI, informatzaileak egindako komunikazioari lotutako ondorio negatiboak jasan ditzakeen egoerak prebenitzeko. horretarako, egoki jotzen denean, errepresalien arriskuen azterketa egingo da, eta errepresaliak saihesteko hesiak ezarriko dira.