Manuel Villoria, primeiro pola esquerda, durante a súa intervención na sesión do taller da OSCE e MENAC celebrado o 21 de setembro en Lisboa.
O presidente da AIPI participa nunha xornada organizada pola OSCE e o MENAC portugués para analizar a relación entre as autoridades anticorrupción e os parlamentos
21/09/2026
Manuel Villoria compartiu a experiencia da AIPI nunha xornada titulada «Pechar a brecha de rendición de contas: parlamentos, institucións anticorrupción e o futuro da supervisión en Europa» celebrada en Lisboa.
A Oficina de Institucións Democráticas e Dereitos Humanos da Organización para a Seguridade e a Cooperación en Europa (OSCE), en colaboración co mecanismo nacional anticorrupción (MENAC) portugués, organizou un taller en Lisboa no que reuniu a organismos de supervisión portugueses, institucións europeas de loita contra a corrupción e destacados expertos académicos.
Durante o evento examinouse a relación entre os parlamentos e as institucións independentes de loita contra a corrupción como pedra angular dunha supervisión democrática eficaz —baseándose na experiencia comparada de Portugal, Francia, Grecia, Hungría, Italia, Letonia, Lituania, Montenegro, Eslovenia, España e Ucraína— e explorará oportunidades concretas para fortalecer a esta relación.
En representación de España acudiu o presidente da AIPI, Manuel Villoria, que falou, na sesión sobre “Perspectivas na rexión da OSCE) sobre leccións e boas prácticas europeas, compartindo mesa con representantes de Francia, Grecia, Hungría, Italia, Lituania, Montenegro, Eslovenia e Ucraína. Os modelos de interacción entre os parlamentos e os organismos anticorrupción e a definición das súas competencias, obrigas de presentación de informes aos parlamentos, e a supervisión orzamentaria dos estes organismos foron algúns dos temas tratados.