Notificación do nomeamento ou cesamento do RSII

Sector privado

O nomeamento ou cesamento do Responsable do Sistema deberá notificarse á AIPI nos seguintes supostos:

  • Cando se trate de persoas físicas ou xurídicas do sector privado que teñan contratados cincuenta ou máis traballadores ou de persoas xurídicas do sector privado que entren no ámbito de aplicación dos actos da Unión Europea a que se refire o artigo 10.1.b), e dispoñan de establecementos en máis dunha Comunidade Autónoma.
  • Cando a entidade obrigada dispoña de establecemento nunha única Comunidade Autónoma que non conte con autoridade autonómica con competencias sancionadoras do Título IX da Lei 2/2033 no sector privado.

Partidos políticos e sindicatos

No caso dos partidos políticos e sindicatos deberá notificarse ante a AIPI tanto o nomeamento como o cesamento do RSII:

  • Cando o seu ámbito de actuación sexa nacional ou se estenda a máis dunha comunidade autónoma.
  • Cando o seu ámbito de actuación non exceda do territorio dunha comunidade autónoma e na esta comunidade non exista unha autoridade autonómica con competencias sancionadoras en materia de protección do informante no sector privado, conforme ao previsto no Título IX da Lei 2/2023.

Sector público

No sector público, deberán notificar ante a AIPI, tanto o nomeamento como o cesamento do seu Responsable do Sistema todas as entidades do sector público estatal a que se refire o artigo 13 da Lei 2/2023.

Así mesmo, deberán efectuar a notificación ante a AIPI as entidades do sector público daquelas comunidades autónomas que non conten cunha autoridade autonómica operativa con competencias sancionadoras do Título IX da Lei 2/2033 no ámbito do sector público (actualmente, Aragón, Asturias, Baleares, Canarias, Cantabria, Estremadura, Rexión de Murcia, País Vasco, A Rioxa, ademais das Cidades de Ceuta e Melilla).

Como e cando notificar o nomeamento ou cesamento do RSII

O nomeamento ou cesamento do Responsable do Sistema debe comunicarse á AIPI -ou á autoridade competente- nun prazo máximo de 10 días hábiles dende que se produza.

A notificación á AIPI debe realizarse mediante o formulario oficial dispoñible na seguinte ligazón:

Formulario de comunicación do RSII